【明報專訊】文化體育及旅遊局前局長楊潤雄上月5日被免職，當日早上隨即喺社交平台上載一幅維港相片，寫上「謝謝大家關心！天空海闊，踏上人生另一階段」。事隔近一個月，楊潤雄喺元旦日再喺facebook發帖，上載另一張維港相，影住會展方向，今次就寫上「新一年，新開始。Happy New Year！」（見圖）。
「新開始」係咪代表楊潤雄會有新動向呢？帖文就未有交代，留言者都無多問，都係送上新年祝福，當中包括接任文體旅局長嘅羅淑佩，留言祝楊潤雄新年快樂，楊嘅前同僚、民青局長麥美娟同新聞秘書，以及多名立法會議員，都有留言祝佢新年快樂。