【Emily】無障行者：換「位」體驗殘疾挑戰

【明報專訊】香港復康會噚日喺中環愛丁堡廣場舉行「無障行者2024」，活動包括城市定向體驗賽及慈善嘉年華兩部分，目的係畀大眾體驗殘疾人士及長期病人嘅生活挑戰。參加者Amy首次體驗坐電動輪椅，話輪椅速度比想像中快，通過路面接駁處時亦需要技巧，而佢停泊輪椅喺巴士輪椅位置時，轉彎一度被障礙物卡住，發現殘疾人士出行殊不簡單。香港復康會大使、港隊硬地滾球代表何宛淇話，同理心和互相理解好重要，活動正好畀大家感受殘疾人士、長期病人同有需要長者喺日常生活遇到嘅困難。