【明報專訊】近日天氣清涼有陽光，適合戶外活動，近300名癌症病友同照顧者就響應病友組織號召，上周六參加「伴你同行日」出嚟曬太陽、做運動。主辦單位話，美國運動協會建議，癌症病友無論係治療中抑或治療完畢，每星期做150分鐘中強度或70分鐘高強度運動。主辦單位選擇喺中山紀念公園步行至金紫荊廣場，步行時間45至60分鐘；又安排曾患癌病嘅過來人教參加者做毛巾操，改善身體繃緊和紓緩手腫；亦有癌病康復者教大家做簡單嘅八段錦動作，呼籲透過一靜一動嘅動作平靜身心（圖）。活動由香港大學臨牀腫瘤學系「家支援」及癌症資訊網慈善基金合辦，獲多個癌症病友團體支持。