【明報專訊】文化體育及旅遊局長羅淑佩走馬上任，噚日已出席多場活動。大家都知道佢喺「Hellosss」，即係男團MIRROR成員陳卓賢（Ian）嘅粉絲，佢噚日見記者時，有人就問佢會唔會考慮搵MIRROR或Ian等藝人去啟德體育園表演，搞旺個場？佢會唔會喺本月20日去啟德體藝館出席ViuTV舉行嘅表演？羅淑佩就話未來嘅演出嘉賓主辦單位會公布，至於佢自己，如果有盛事，佢都會盡量參與，但唔係每場都會見到佢，形容自己「有時都分身乏術」。 相關字詞﹕啟德體育園 Ian（陳卓賢） 羅淑佩
