【明報專訊】政府提出推動賽馬旅遊，適逢國際馬壇年度盛事浪琴國際騎師錦標賽及浪琴香港國際賽事分別喺周三（4日）及嚟緊嘅周日（8日）舉行，吸引唔少海外馬迷來港觀賽及遊覽，當中唔少係高消費客。World Racing Tours負責人Tony Perry及Kate O'Sullivan同Emily講，有80幾人參加國際賽事7日6夜旅行團來港，留宿半島酒店，仲到訪唔同高級餐廳及商場購物，人均消費超過10萬港元，有團員抵港翌日就花近50萬港元買珠寶首飾。佢哋話觀賽團人數過去10幾年持續增長，由2010年首年7人，增加到今年超過80人。