【明報專訊】工聯會轄下設有婦女事務委員會，係工聯會常務理事會屬下嘅一個工作委員會，話工作目標係提高婦女喺政治及經濟上嘅地位，達至兩性平等。工聯會立法會議員陸頌雄噚日話，婦委一眾人噚日開大會，議決未來嘅主要活動及工作方向，而婦委開會唔止坐定定，會一齊整餅，當做團體建設活動。睇番大合照，成30人開會，只見陸頌雄一個男人，陸頌雄就話佢係婦委副主任兼唯一男性委員，關於婦女事務，佢真係新丁，要靠各位姊妹指教。 唔單止婦女事務，陸頌雄整餅都係新丁，見佢喺姊妹教導下拎住工具搓麵粉，最終大家都開心完成任務，拎住啲曲奇餅離開。相關字詞﹕陸頌雄 工聯會
