港聞

港聞二

【Emily】林超英「捕獲」立竿無影

【明報專訊】成語「立竿見影」喺指事情立刻見效,源於古人喺陽光下豎立竹竿測量節氣,而現實卻會出現「立竿無影」、即俗稱「日當頭」嘅現象。

天文台前台長林超英前日同噚日先後喺facebook上載數張影住地下嘅相,其中前日下午12時19分喺太空館對面行人路影,佢話幾乎影到「日當頭」下無影嘅路牌,可惜早咗10分鐘而捕捉唔到。噚日下午12時29分,佢終於「野生捕獲」無影嘅燈柱。

陽光直射 現「日當頭」

翻查天文台介紹氣象冷知識嘅短片《立竿無影》,解釋「日當頭」點解會出現,提到地球以傾斜姿勢圍繞太陽公轉,太陽光垂直照射地球嘅區域會隨地球公轉軌道嘅位置而改變,當北半球喺夏至時,太陽就會直射北回歸線,即離赤道最遠又能被太陽直射嘅位置。

天文台話,就算同樣位於北半球,喺唔同緯度嘅地方出現「立竿無影」現象嘅日子都唔同,而位於北回歸線以南嘅香港,「立竿無影」現象就唔喺夏至當日,而係夏至前後嘅日子,一年會有兩次。

相關字詞﹕

上 / 下一篇新聞