港聞

港聞二

【Emily】立會議廳閉門拍片賀國慶

【明報專訊】噚日下晝立法會內委會會議結束後,一眾議員把握與財委會會議之間嘅20分鐘空檔,浩浩蕩蕩趕去會議廳,由秘書處安排拍攝短片賀國慶。Emily同行家希望一睹拍攝情况時,發現會議廳重門深鎖,可以睇到會議廳嘅公眾席同教育廊都封咗,連大門玻璃都遮埋。到底有咩咁神秘?多個議員同Emily講,其實只係一齊高呼幾句口號,祝福祖國富強昌盛、香港繁榮穩定,仲有職員將以紅底、黃色大字印刷嘅口號放喺2樓公眾席提示議員,拍完就匆匆收起(圖)。除一齊拍片,秘書處近日亦邀請議員各自拍片賀國慶,不過每人只講約5秒,有議員話要言簡意賅。

上 / 下一篇新聞