港聞

港聞二

【Emily】鄧家彪智庫請到胡鞍鋼講新質生產力

【明報專訊】國家主席習近平早前提出推動新質生產力,以創新起主導作用,擺脫傳統經濟增長方式,香港政界都話要響應,但何謂新質生產力、香港點樣實踐,就唔係人人講到。工聯會鄧家彪搞嘅智庫治港新政,聯同香港中國企業協會資訊科技行業委員會、清華大學國情研究院及香港都會大學,將喺本月26日舉辦「香港新質生產力」研討會,重量級講者係清華大學文科資深教授胡鞍鋼。鄧家彪同Emily講,財政司長陳茂波及都會大學校長林群聲等都會出席。

胡鞍鋼係清華大學國家治理與全球治理研究院首席專家,係國情研究嘅領軍人物,先後兼任國家「十一五」、「十二五」、「十三五」規劃專家委員會委員等。喺今次研討會,胡鞍鋼會以「中國式現代化」為題,解說新質生產力嘅含意,其他講者亦會解說香港創新科技同新質生產力嘅關連。

相關字詞﹕

上 / 下一篇新聞