​​

港聞

港聞二

【Emily】咖啡渣送農莊種菜 7仔:收成贈弱勢

【明報專訊】唔少都市人日日飲咖啡,亦因此製造咗不少咖啡渣,7-Eleven就同慈善機構膳心連基金合作推行咖啡渣再生計劃,將店內嘅咖啡渣送到本地有機農莊,經廚餘機將咖啡渣轉化成有機肥料,用嚟種植有機蔬菜,收成會捐贈畀10間慈善機構,包括「北河同行」,煮成熱餐後免費派畀有需要嘅人。

7-Eleven香港及澳門常務董事劉家昌話,旗下便利店有超過700間分店自設咖啡品牌,目標一年內可回收約125萬杯即磨咖啡飲品嘅咖啡渣,預計可種出約4000公斤有機農作物。

透過今次計劃種出嘅蔬菜,會送到北河同行、膳心坊、離島婦聯、啟愛共融基金、安貧小姊妹會聖若瑟安老院、賽馬會「聚首壹塘」社區客廳及明愛牛頭角社區中心10間慈善機構。

上 / 下一篇新聞