港聞

港聞二

【Emily】消委書展網頁 《選擇》限時免費睇

【明報專訊】成立50周年嘅消費者委員會之前宣布,明年開始《選擇》月刊網上版會免費開放畀公眾睇,今年香港書展消委會就以「《選擇》2025 全城免費睇」為展場主題,現場會有職員示範免費睇嘅新安排。消委會噚日開設書展專題網頁,一連5周限時免費開放10篇精選《選擇》月刊付費文章。

消委會話,今年展場會以塗鴉風格,融入香港地道元素,整咗一幅色彩繽紛嘅打卡牆;展攤同桌椅就會秉承消委會倡議嘅可持續消費同環保理念,用可回收物料製造。

消委會並設計咗多個活動及遊戲畀參觀者玩,其中嘅急口令比賽,大家追蹤消委會嘅社交平台專頁後,只要喺7秒內完成朗讀急口令,就可獲贈金禧限定速乾毛巾1條,每日限量30份,每日頭10名喺5秒內成完成嘅參加者,仲會額外有旅行收納袋套裝。

上 / 下一篇新聞