【Emily】清水灣俱樂部設慈善基金 孫玉菡冀合作

【明報專訊】清水灣鄉村俱樂部最近成立慈善基金，上周六（22日）晚喺清水灣會所舉行慶祝「清水灣‧走入社群」計劃成立20周年暨慈善基金成立典禮，請咗勞福局長孫玉菡、行會成員高永文同林正財出席。孫玉菡話對俱樂部嘅慈善活動計劃好有興趣，仲話俱樂部環境靚、設施多，希望日後除咗同NGO（非政府機構）合作外，仲可以同政府合作，多啲安排弱勢社群去俱樂部玩同參加活動，最好可以安排膳食，令佢哋有機會享受下優美環境。