港聞

港聞二

【Emily】「四電一腦」下月起涵乾衣機抽濕機

【明報專訊】環保署噚日公布,由下月1日起,「四電一腦」計劃下嘅受管制電器將加入獨立式乾衣機及抽濕機,同時增加現時計劃其中兩款電器嘅容量,雪櫃最大容積由500公升增至900公升,洗衣機最大洗衣量則由10公斤增至15公斤。

按現時計劃,市民買冷氣機、雪櫃、洗衣機、電視機、電腦、打印機、掃描器及顯示器等,法例要求銷售商要免費上門回收同類舊電器。署方話,除咗購買原有計劃規管嘅新電器外,下月起市民購買較大容量嘅雪櫃同洗衣機、獨立式乾衣機及抽濕機時,亦可使用法定免費除舊服務。

署方又公布取消現時供應商分發、銷售「四電一腦」產品時必須提供循環再造標籤嘅規定,但係仍須喺畀顧客嘅收據列明循環再造徵費嘅字句,亦要繳交循環再造徵費。

上 / 下一篇新聞