港聞

港聞二

【Emily】香島生臨遊日 去領館學講「阿呢加多」

【明報專訊】暑假在即,唔少學校都會舉辦遊學團畀學生增廣見聞。被視為傳統愛國學校嘅九龍塘香島中學都舉辦日本交流團,考察當地科技發展,出發前,日本駐港總領事館為佢哋舉辦文化講座及工作坊,學習簡單日語。總領事岡田健一更親自同同學交流,分享作為外交官嘅工作同生活。

香島中學下月有個去東京嘅「STEAM人工智能及科技發展交流團」,日本駐港總領事館上星期就為參與同學舉辦「日本禮儀文化講座及日式包布工作坊」。

岡田健一亦有出席活動,佢話唔少同學都對外交官嘅工作深感興趣,積極發問。岡田健一期望同學日後可以成為兩地交流嘅橋樑。一眾同學亦學習簡單日語,例如「多謝」等問候語,了解兩地文化差異,仲有學習使用日式傳統包布「風呂敷」。

上 / 下一篇新聞