港聞

港聞二

【Emily】會展反恐演習 議員話大開眼界

【明報專訊】立法會保安事務委員會噚日朝早去灣仔會展睇跨部門反恐演習,演習模擬喺紫荊廳舉行國際會議期間,有本地恐怖分子施放危害物質,消防用咗近月引入嘅機械犬搜索,多名議員都好感興趣。政府當局又喺演習中,向議員展示消防處流動指揮車、流動傷者治理車,同埋警方嘅新式流動指揮站、行動工具等。

有份去睇嘅選委界謝偉俊就同機械犬、參與嘅反恐特勤隊警員等合照,佢話當局喺演習展示各種反恐、拆彈、處理化武、救援死傷者嘅做法,又有好多國家自行研製嘅設備,令佢大開眼界,不過就缺少咗近期上映電影《談判專家》中劉青雲同吳鎮宇嘅角色。

新民黨容海恩就話,近年全球恐襲活動有上升趨勢,認為香港需要提升反恐應變能力,今次演習就反映政府嘅重視。

上 / 下一篇新聞