港聞

港聞二

【Emily】路政署長與劉國勳落邨探望 義工隊幫長者裝廁所扶手

【明報專訊】長者容易發生家居意外,民建聯立法會議員劉國勳噚日就約埋路政署長邱國鼎,到上水彩園邨探望獨居長者及雙老家庭。佢哋並跟義工隊為一眾長者喺洗手間安裝扶手,希望減低家居意外如跌倒嘅風險。

劉國勳、邱國鼎噚日聯同建造業界義工隊,到彩園邨探訪長者,同佢哋傾偈並送上福袋。眾人又幫忙安裝家居扶手,Emily見劉國勳同邱國鼎亦有落手協助,戴上護眼罩及護耳罩,攞起電動螺絲批,都有板有眼,安裝完成後一齊同老友記豎起手指公合照。

劉國勳引述喺探訪期間,唔少長者向邱國鼎讚揚政府於區內落實多項行人路上蓋及升降機工程,包括連接彩園邨同上水港鐵站行人天橋嘅升降機,方便老人家出行。

相關字詞﹕

上 / 下一篇新聞