港聞

港聞二

【Emily】葉劉溫提老友記 運動以外勿忘訓練膝頭

【明報專訊】近日雖有驟雨,但都有晴朗時間,唔少人把握機會到戶外活動,新民黨主席葉劉淑儀亦唔例外。葉太喺facebook分享上周末做健身運動,包括拋球、拉筋、負重等。葉太提到健身心得,話唔可以只做個人喜歡嘅運動,而忽略膝蓋等身體部位。

葉太表示趁住上周末放晴相約健身教練做運動,集中鍛煉肌肉、喺平衡木上做動作,以及喺健身球上拋波等,以強化肌肉及心肺功能、鍛煉平衡力、練習反應等。佢仲分享多張穿上運動裝、喺一片背山面海草地健身嘅相片,唔少網民留言讚葉太體態良好,亦有人建議佢可以嘗試做瑜伽。

長者普遍面對骨質疏鬆問題,葉太就話喺健身教練指導下,身體與骨質狀態不俗,一般訓練同長時間走動都應付自如。佢寄語一眾「老友記」緊記鍛煉身體,除咗做個人喜歡嘅運動,都唔好忽略訓練膝蓋、臀部或腰部等身體部位。

相關字詞﹕

上 / 下一篇新聞