港聞

港聞二

【Emily】讀醫有咩生存要訣? 中大醫學院長:跟大隊

【明報專訊】中大醫學院噚日喺facebook上載短片,向多個教授同學生「快問快答」。問到院長趙偉仁(圖)讀醫有咩生存要訣,佢就好調皮咁話「跟大隊!」,問佢從「看見未來」同「回到過去」二揀一,佢就講笑話「回到未來」,因為電影Back to the Future係佢最鍾意嘅電影。

看未來或回過去? 趙偉仁揀「回未來」

短片訪問咗多個師生唔同問題,問到如果全世界都唔郁得、只有自己可以郁會做啲乜,唔少師生都話希望瞓覺或者「躺平」休息,亦有學生話想趁機溫多啲書,贏過班同學。有駐院實習醫生就爆響口,話院長新辦公室已經裝修完,想偷偷哋入去睇下。

至於最鍾意中大啲咩,趙偉仁維持一貫答案:「人情味」;亦有唔少學生話最鍾意中大嘅人,覺得教師、同學會陪伴自己經歷好多事,仲有家人嘅感覺。

相關字詞﹕

上 / 下一篇新聞