港聞

港聞二

【Emily】李家超見廣州市長 話港深廣科創潛力無限

【明報專訊】特首李家超噚日同廣州市長孫志洋會面,就深化香港同廣州市合作交換意見。政制及內地事務局長曾國衞亦有出席。

李家超話,好高興繼4月喺廣州出席第十五屆全國運動會組織委員會成立大會後,再次同孫志洋會面。佢話港穗兩地同係粵港澳大灣區中心城市,共同擔當區域發展核心引擎,近年積極推進唔同合作項目,包括南沙高質量發展、香港交易所入股廣州期貨交易所,同埋馬產業嘅合作等。

李家超又話,根據《2023年全球創新指數》,「深圳—香港—廣州」科技集群連續4年蟬聯全球第二位,足見三地科技創新發展潛力無限。今年係《粵港澳大灣區發展規劃綱要》頒布5周年,佢相信香港同廣州市會繼續優勢互補、互利共贏,提升兩地更高水平合作,攜手推動大灣區高質量發展。

上 / 下一篇新聞