港聞

港聞二

【Emily】報道指迪拜王子數周內來港 許正宇:合法規資金都歡迎

【明報專訊】「迪拜王子」阿里.馬克圖姆(Sheikh Ali Al Maktoum)早前宣布來港成立家族辦公室,《南華早報》引述辦公室行政總裁麥懿睿話,阿里將於未來幾星期內來港出席開幕禮。財庫局長許正宇被問到政府知唔知道辦公室何時成立,佢只係重申「任何合規合法嘅資金,我哋都歡迎」。

報道引述麥懿睿話由於日程同其他因素,家族辦公室開幕禮有機會於6月舉行,又話可能會改名,以免大家集中將辦公室投資與統治家族劃上關係。

許正宇噚日被問到知唔知道阿里幾時來港設立家族辦公室、有無同對方保持聯絡,佢只係話政府一直通過唔同政策,吸引世界各地機構或人士來港設立家族辦公室,亦歡迎任何合規合法嘅資金。

相關字詞﹕迪拜王子 家族辦公室

上 / 下一篇新聞