【Emily】陳朗昇不角逐連任記協主席 稱「無奈要下船」 盼有志同業挺身而出

【明報專訊】香港記者協會下個月底舉行會員大會，改選新一屆執委會，擔任咗3屆主席嘅陳朗昇原本打算爭取連任，但噚日佢喺社交平台宣布，唔會再角逐連任主席。佢解釋，有呢個決定係聽取唔同意見同分析後，認為續任主席會「非常艱難」，「看來不是對記協最佳的選擇」，又提到「陳朗昇」加上「記協」所帶來嘅攻擊、注視，睇嚟遠比兩者分開為多。