港聞

港聞二

【Emily】陳榮森畫展 見嶺南畫派墨境

【明報專訊】香港文化博物館今日起舉辦「墨境淋漓——陳榮森捐贈作品展」,展出10多幅嶺南派畫家陳榮森捐出嘅花鳥、山水畫,同埋佢老師、嶺南畫派大師趙少昂嘅對應作品,陳榮森噚日喺傳媒預展仲即席揮毫(圖一)。

陳榮森自1976年跟隨趙少昂習畫,喺香港、內地及加拿大等地辦過多次展覽,作品《荷花小鳥》2019年入選「日本.中國水墨畫合同展」,獲頒發外務大臣賞,今次都會展出。其他展品仲包括《紫荊小鳥》(圖二)、《紅棉彩鳥》等。館方暑假期間會邀請陳榮森向公眾及學生現場示範繪畫技巧,並出席專題講座。

上 / 下一篇新聞