【明報專訊】首階段「走塑」已於周一（22日）起實施，近日部分替代餐具質素引起關注。環保署噚日透過「大嘥鬼」喺社交平台公布，「走塑有賞」手機App下月5日起有新一輪推廣，用戶只要儲齊3個印花，即可換領一套不鏽鋼餐具，限量5萬份，推廣期至6月5日。
「大嘥鬼」話呢套不鏽鋼餐具原本要儲齊12個印花，𠵱家減到3個印花就換到。用戶只要喺參與「走塑有賞」嘅食肆買外賣時唔要即棄餐具，就可獲一個印花，或喺「咪嘥盒食店」唔用即棄容器，例如餐盒或杯，就可獲兩個印花。
Emily睇過食肆名單，發現大型連鎖快餐店同飲食集團包括大快活、牛角、和平飯店、富臨皇宮、美心MX同沙嗲王等都同時參與兩個計劃，相信市民想「走塑」換印花都唔難。
