【明報專訊】正喺澳洲舉行嘅「悉尼雙年展」，有個香港人好熟悉嘅「車影」，就係「熱狗」巴士！
今屆悉尼雙年展即日起至6月10日免費開放，由香港Para Site藝術空間前執行總監康喆明（Cosmin Costinas）及Inti Guerrero共同擔任總策展人，展覽設有一條專車路線，免費接載參觀者來往市中心同展覽場地白灣發電站（White Bay Power Station），所用嘅接駁車就係香港退役嘅「熱狗」雙層巴士。
其實「熱狗」唔係第一次喺澳洲亮相，最近一次係今年2月農曆新年期間，悉尼巴士博物館舉辦「香港巴士日」，有3架退役「熱狗」出巡，接載乘客前往博物館。