【Emily】馬貝利搵鵰兄「集郵」 被觀展者「集郵」

【明報專訊】早前通過「高才通」來港嘅籃球名宿馬貝利（Stephon Marbury）噚日去中環愛丁堡廣場，參觀「俠之大者——金庸百年誕辰」活動，佢話最鍾意周伯通，形容周以武術為身邊人帶來快樂，反映普通人都能保持赤子之心。佢又話透過展覽先至認識金庸，話金庸筆下嘅武術元素提醒佢學習嘅紀律。馬貝利即場同《神鵰俠侶》小龍女、楊過及神鵰嘅雕塑「打卡」，但佢都成為唔少參觀者嘅「打卡」對象，被10多名參觀展覽者「野生捕獲」要求合照，佢亦好親民咁滿足大家要求。