【Emily】發展局話基建可抵7度震感地震

【明報專訊】大嶼山前日發生2級地震，震央位於梅窩，引起公眾關注，發展局噚晚都喺facebook發文籲大家毋須擔心，強調本港唔喺活躍地震帶上，地震風險相當低，仲話現時嘅基建同樓宇設計標準都提供足夠保障。局方仲話香港基建已包含抗震設計，可抵禦震感達7度嘅地震，同埋大部分建築物都可抵禦地震風險，而屋宇署之前已成立督導委員會，正就唔同建築物設計實例作比較研究，會防患未然，預計顧問今年內完成比較研究，會喺明年初徵詢建築業界意見。