港聞

港聞二

【Emily】兩傳媒搶閘爆撤辣 新聞處點名召喚 財案預覽行規禁外泄 偵測現場有人用Wi-Fi蛋

【明報專訊】財政司長陳茂波噚日朝早11點宣讀《2024/25財政預算案》,按照慣例,新聞處會安排傳媒提早約兩個鐘預覽,其間傳媒代表要「困」喺政總會議廳睇,唔准同外界通訊。新聞處今年格外緊張,晨早已喺會場嗌咪嚴正溫提大家唔可以對外聯絡,過咗冇耐仲話偵查到現場有人用Wi-Fi蛋上網,要求停止。不過,喺預算案宣讀前,已有至少兩間傳媒喺網上出「推送push」發報「撤辣」消息,新聞處職員隨即喺會場叫咪,公開點名召喚兩間傳媒嘅記者,話有事跟佢哋處理,引起行家一陣嘩然。

相關字詞﹕撤辣 財政預算案

上 / 下一篇新聞