【Emily】菁英會伙駐港公署辦講座 年輕外交官分享

【明報專訊】改制後嘅新一屆區議會多咗不同背景嘅人，菁英會都有38個會員成為新一屆議員，主席林智彬話，新一年會多啲同呢班會員兼區議員合作，搞地區工作。佢提到其中會同外交部駐港特派員公署合作，由公署派出外交官到油尖旺區4間學校舉行講座，增加學生對外交事務嘅認識。林智彬提到，有主講嘅年輕外交官曾派駐阿富汗4年，除咗經驗有趣外，亦唔似以前主要係「senior」嘅講者主講，學生會比較有興趣聽。