港聞

港聞二

【Emily】唐英年願望:中美和氣生財惠香港

【明報專訊】龍年將至,全國政協常委唐英年同市民預早拜年,仲話自己有3個新年願望,包括希望中美兩個大國「和氣生財」、「以和為貴」,期望中美兩個全球最大經濟體關係緩和,推動環球經濟發展,咁香港亦可從中受惠。

過去一年利息高企,供樓及借貸負擔上升,唐英年希望隨着息口預期喺年內回落,可以令社會百業鬆一口氣,亦令股市同樓市穩步回升,咁大家都會開心啲。

唐英年係西九文化區管理局董事局主席,所以佢都希望香港新一年會舉辦唔同嘅文化活動、展覽、峰會,將文化氛圍傳播四海,以實現「十四五」規劃下香港作為中外文化藝術交流中心嘅使命。

相關字詞﹕唐英年

上 / 下一篇新聞