港聞

港聞二

【Emily】海園賀年派對 霓虹燈招牌營造昔日香港

【明報專訊】海洋公園喺大年初一(10日)至3月3日期間舉行「團園賀年2024」大派對,園內嘅香港老大街會加入霓虹燈招牌畀市民打卡,園方話想令入場者有種置身1980至90年代香港街道嘅感覺。周一至周五每日下午5時起會有超過10個演員同訪客互動跳舞,周末就有歌手表演,演繹多首流行金曲。

海洋公園又將公園嘅吉祥物組成樂團「Ocean 6N1」,包括威威、包包、Dougie、美雪、樽樽、大嘜及小紅熊喺威威劇場載歌載舞,主題曲由著名音樂製作人趙增熹負責。

馬會22投注站年初一服務

另外,馬會公布農曆新年間投注站有特別營業時間安排。有22間場外投注處會喺大年初一,由下晝4點至晚上11點半提供服務,包括觀塘廣場、大圍道、天水圍、屯門市廣場、筲箕灣寶文街、深水埗汝州街、將軍澳尚德、青衣城、黃大仙豪苑、大埔廣場、上水石湖墟、荃灣青山道、九龍城衙前塱道、葵涌榮芳路、旺角彌敦中心、灣仔軒尼詩道、香港仔田灣、西區屈地街、馬鞍山廣場、元朗青山公路、北角電氣道及中環士丹利街;其他投注站休息。

上 / 下一篇新聞