港聞

港聞二

【Emily】何敬康倡Ian×羅淑佩宣傳禁毒

【明報專訊】民建聯選委界別議員郭玲麗噚日喺立法會提口頭質詢,關注當局應對年輕人處理干犯毒品罪行嘅情况,新民黨何敬康發言時,提議禁毒處搵時下人氣偶像宣傳禁毒,舉例搵MIRROR成員陳卓賢(Ian)同佢嘅「Hellosss」(Ian支持者)、房屋署長羅淑佩嚟一個破天荒合作,一齊宣傳禁毒信息。

保安局長鄧炳強回應時話,同意要用年輕人容易接受嘅宣傳方案,指去年裝修重開嘅金鐘禁毒中心,設有AR和VR設施推廣,亦推出兩個吉祥物「冬冬」和「希希」,但「可能呢兩個無MIRROR咁出名啦,無咁多人識」,強調局方會搵更多年輕人接受、熟悉嘅對象宣傳。

據保安局回覆,去年因干犯毒品罪行而被捕嘅21歲以下青少年有323人,約一半涉及製毒、販毒,其餘涉管有和吸食毒品等罪行。至於警方偵破嘅網上販毒案件,近5年逐年增加,去年有17宗。

上 / 下一篇新聞