港聞

港聞二

【Emily】西灣河將軍澳街渡開通 歡迎寵物狗主大讚

【明報專訊】來往將軍澳及西灣河嘅街渡服務噚日正式投入服務,吸引唔少人乘搭。前往筲箕灣避風塘嘅由將軍澳南海濱長廊開出,開船約5分鐘內會經過跨灣大橋橋底,全程約20分鐘。乘客可以帶埋寵物、單車及貨物上船,價錢同成人票價相若。

有喺港島返工嘅將軍澳南居民話搭船唔怕塞車,仲讚沿途風景好靚,可能會由港鐵轉坐渡輪返工放工,順便放鬆吓。船公司建議帶同寵物乘船者要為狗戴上口罩,有計劃帶狗狗由西灣河去將軍澳寵物公園遊玩嘅市民大讚安排,話如果搭的士「好重皮」,𠵱家可以帶狗仔去多啲地方。

街渡服務時間為早上6點45分至晚上7點45分,每日來回20班船。成人票價16.8元,小童、長者及殘疾人士8.5元,設有2元優惠計劃。寵物及單車以成人票收費,貨物則每0.1立方米16.8元。

相關字詞﹕將軍澳跨灣連接路 西灣河 將軍澳 街渡

上 / 下一篇新聞