【明報專訊】就快過年，唔少人會換新銀紙封利市，匯豐、中銀香港及渣打銀行噚日起至年三十（2月9日），提供兌換新鈔及「迎新鈔」服務，今日及聽日各銀行部分分行會提早喺朝早8點營業。噚日一大早就有唔少人去銀行排隊換新鈔，3間銀行都話今年人數多過舊年，其中渣打香港區零售網絡主管羅倩兒話，噚日兌換新鈔運作暢順，市民反應較過往熱烈，網上預約配額比舊年增加三成，兌換新鈔嘅預約額已滿，「迎新鈔」仲開放網上預約，而50元銀紙就最多人換。
