【Emily】藝術＠維港3.25起辦 數百光蛋互動變色

【明報專訊】第二屆「藝術＠維港2024」將喺3月25日至6月2日舉行，重頭戲之一係康文署伙拍國際藝術團隊teamLab打造「teamLab：光漣」展覽，喺添馬公園同中西區海濱長廊嘅中環段，擺放幾百個色彩繽紛嘅發光蛋狀物（ovoid）藝術裝置，由公園草地延伸至維港海面，連同公園內幾十棵樹都會隨住同觀眾互動而變換顏色同音效。康文署話好快會喺添馬公園布展，畀市民睇埋裝置嘅誕生過程。