【Emily】七成學童唔想「被出現」父母網帖中

【明報專訊】唔少家長會喺社交媒體分享仔女生活照，但分享前有冇諗過仔女嘅感受呢？香港中華基督教青年會調查顯示，近三成家長分享仔女嘅相或影片時，冇問過對方意願；逾七成學童話傾向父母唔好喺網絡分享自己嘅資訊。青年會協調幹事施文欣話，調查訪談中有學童話因父母喺網上分享自己嘅生活，而遭同學取笑甚或被欺凌，提醒家長分享前應先徵求仔女同意，尊重其意願。