【Emily】海園40歲海豚Molly離世

【明報專訊】海洋公園前晚宣布，園內最年長嘅雄性印度太平洋樽鼻海豚Molly（圖）離世，享年40歲。海洋公園話Molly除夕開始身體虛弱，儘管公園獸醫同動物護理團隊24小時悉心照料，最終喺1月4日安詳離世，園方做死因解剖。海洋公園話40歲樽鼻海豚屬高齡，公園團隊一直為年邁動物大使提供專門護理，等佢哋舒適咁頤養天年，又形容Molly同其他海豚一樣，係海洋公園動物大使團隊重要成員。海豚表演一直係海洋公園嘅招牌活動之一，但早年備受環保同動物權利組織批評，2020年起停止表演。