【Emily】日本「考察」 林素蔚嘆難買交通卡被嘲 曾因核水倡發旅警 網民問何不留港消費

【明報專訊】聖誕假期好多港人外遊，立法會新界東南議員林素蔚就去日本東京，不過佢喺網上批評當地交通配套，話無法開通俗稱「西瓜卡」嘅日本Suica交通卡，用咗3個鐘先由機場抵達市區。帖文引來大批網民留言，有人質疑係個人問題，亦有人諷刺佢作為議員赴日旅遊。林素蔚噚日再發帖回應，話無諗過會引起咁大迴響，話自己係議員，但亦有市民身分，只想分享生活點滴。