【明報專訊】聖誕長假期各口岸迫滿離港者，官員噚日於社交媒體發帖，繼續呼籲市民留港消費，有立法會議員就趁長假前北上考察，旅遊界議員姚柏良發帖話跟立法會團去咗上海，了解當地最新海濱河濱發展、舊區重建和文化保育工作，作為旅遊界代表，佢登上國產第一艘大型郵輪「愛達．魔都」號，喺首航前深度了解船上設施和郵輪碼頭配套。姚柏良喺facebook上載嘅照片顯示佢仲去咗「張園」，張園係上海現存最大、保存最完整嘅石庫門建築群，佔地約6萬平方米，可追溯至1882年。
