【Emily】港台區選論壇問題貼地 涉野鴿、露宿者、遊客滋擾

【明報專訊】港台主辦一連4日嘅區議會選舉論壇噚晚開鑼，港九地方直選候選人都獲邀出席，每人有30秒介紹政綱及1分30秒問答環節，隨機抽問題作答，Emily發現問題都幾「貼身」兼「刁鑽」。中區自由黨候選人馮家亮抽到嘅問題係，區內野鴿影響環境衛生，問佢係咪贊成立法禁止餵鴿，佢話支持嚴厲打擊餵鴿，但話喺澳洲讀書時去過唔少動物園，大膽建議漁護署收集野鴿送去郊外或區內嘅動植物公園，畀附近居民可以去「打招呼」。