【明報專訊】區議會選舉下月10日舉行，新民黨主席葉劉淑儀落區幫黨友拉票時，話聽到市民及商戶吐苦，繼早前有市民同佢講港人「一係深閨，一係深圳消費」，形容本港消費市道疲弱後，佢上周末去鴨脷洲大街，與金利豐金融大股東朱李月華一齊幫黨友拉票時，唔少商戶抱怨，指食環署不斷向食肆及販商發出告票，指控佢哋阻街，質問經濟咁差，食肆只係擺放幾張餐枱喺餐廳門外都唔准，問點解唔可以通融一下？佢指商戶又話食環署執法矯枉過正，令經營成本大增，生意雪上加霜。
