【Emily】學生校友征亞運 教大攞9牌最多 奪1金2銀6銅 佔八大獎牌三成

【明報專訊】杭州亞運前日閉幕，港隊奪8金16銀29銅共53面獎牌，名列獎牌榜第12位，其中本港多間大學有學生運動員及校友參賽，攞咗2金8銀22銅共32面獎牌（見表）。7間大學喺賽事期間都有喺facebook出post祝賀學生及校友攞牌，中大噚日就喺fb總結亞運成績，話今屆有53個學生及校友參賽，其中10人攞到2銀6銅佳績，包括正修讀法律博士課程嘅江旻憓，佢喺女子重劍團體賽摘銀，而校友李嘉兒同湯芷穎就奪得女子壁球團體賽銀牌。