【Emily】中大醫學院慶40周年 陳家亮沈祖堯捐珍藏拍賣

【明報專訊】中大醫學院為慶祝40周年舉行網上拍賣會，善款將用嚟促進醫學教育、研究、社區服務發展，多個校友捐出私人珍藏同藝術作品拍賣，包括院長陳家亮捐出珍藏20幾年嘅「京劇名伶尚小雲款草書竹筆筒」，前中大校長沈祖堯捐出節錄自蘇軾《定風波》嘅「回首向來蕭瑟處，歸去，也無風雨也無晴」書法作品。陳家亮話醫學結合科學同藝術，兩者同樣講求敏銳觀察力同觸感，今次多個中大醫學院成員慷慨解囊，突顯大家醫學同藝術範疇嘅修為同涵養，亦希望呈現美感同文化啟發更多人。