【Emily】議員雨後紛落區 執葉剷泥通渠上門送水送暖

【明報專訊】本港連續兩星期經歷10號風球同埋超級暴雨，苦了唔少前線工友收拾「殘局」，多個立法會議員噚日都即刻落區，協助清理路面雜物，之後喺社交媒體同大家分享善行。新民黨李梓敬大約中午同團隊去到沙田圍，拉起褲腳澗水清理淤塞喺渠口嘅樹葉，清理兩個鐘後將一條「河」變番一條街。民建聯鄭泳舜就去咗深水埗一帶，剷走路面淤泥同執走塞住渠口嘅雜物等。