港聞

港聞二

【Emily】「普通人」梁朝偉勉基層長期病學童 出席頒獎禮 「如果我可以,所有人都可以」

【明報專訊】「兒科醫學會鵬程奮進堅毅獎學金2023」頒獎禮噚日舉行,20名得獎學生逐一接過獎項。頒獎者除咗有教育局長蔡若蓮、前律政司長梁愛詩等,仲有影帝梁朝偉,吸引場內唔少人爭相同佢合照留念。梁朝偉致辭時話,自己都係出身基層嘅單親家庭,中學未畢業就開始出嚟做嘢,知道自己讀書唔多就去進修,而且認真對待每個工作。佢認為自己唔算「好成功」,但就做到心中要求,「我覺得自己同大家一樣都係普通人,如果我都可以,相信所有人都可以」。

相關字詞﹕獎學金

上 / 下一篇新聞