【Emily】麥花臣招聘會助少數族裔搵工

【明報專訊】勞工處同民建聯少數族裔服務中心噚日及今日喺旺角麥花臣場館舉行「共創多元文化工作間招聘會」，約50間機構參與，提供約4300個空缺，包括工程師、廚師、咖啡師等，希望促進求職者包括少數族裔嘅就業機會，可以即場遞交申請同面試，首日有1219人入場。Emily見唔少攤位都有非華裔職員當值，現場設有印度語、尼泊爾語等即時傳譯服務，幫少數族裔同僱主溝通。