【明報專訊】早幾日打8號風球，一般人想出街搵飯食都唔容易，監獄都係。立法會前議員邵家臻不時去探監，佢噚日喺社交平台話，等候區先係監獄嘅「資訊中心」，會聽到好多關於監房嘅嘢，例如原來打風落雨嘅時候，大欖女懲教所嘅私飯供應係唔會送餐，但係會照計錢，而理由係「一向如此」，而且之後仲會加價𠻹！
