【Emily】工程師學會與6企業合作 學員可快兩年入會

【明報專訊】香港工程師學會噚日同6間企業簽署合作約章，推廣工程專業，培育下一代工程人才，日後有份參與並符合資格嘅企業學員，透過為期兩年嘅「工程畢業生培訓計劃」再加兩年工作經驗（「2+2」），就可做學會會員，較原先需時6年快。今個月開始擔任學會秘書長嘅前創科局長薛永恒噚日有出席活動，不過就無發言。擔任副會長嘅前運房局長陳帆就無出席。