【Emily】建新大樓逾10年未成事 丘應樺：一直研究緊 議員倡將軍澳「傳媒廠房」撥港台

【明報專訊】港台曾經喺2013年向立法會申請興建新廣播大樓，最終遭否決，事隔咁多年，新大樓仲係「十畫都未有一撇」。噚日立法會資訊科技及廣播事務委員會討論港台嘅工作同最新發展，唔少議員關注新大樓嘅進度，認為𠵱家嘅大樓比較舊，打風落雨仲會滲水，希望可以改善工作環境。其中自由黨李鎮強建議咗幾個新地點，包括喺將軍澳工業邨政府已收番嘅「傳媒廠房」、元朗新田一帶，又或北部都會區。