【Emily】做緊保養工程 高街舊精神病院 拱形遊廊9月開放

【明報專訊】立法會旅遊界議員姚柏良噚日喺立法會會議提出口頭質詢，關注政府以咩準則，決定係咪開放個別歷史建築畀公眾參觀，其中點名提到位於西營盤高街嘅舊精神病院立面，其拱形遊廊同下方嘅粗琢花崗石塊極具特色，但長期鎖上。發展局長甯漢豪回覆話，嗰度做緊保養工程，預計9月初完成後，會開放畀市民同遊客觀賞，而目前都接受團體申請拍攝嘅。