【Emily】蠔涌大樓智障者宿舍啟用

【明報專訊】由西貢中心小學改建嘅蠔涌服務大樓陸續落成，服務嚴重智障者嘅靈實蠔涌日間活動中心暨宿舍本月開始服務。身兼基督教靈實協會行政總裁嘅行會成員林正財（前排左三）噚日喺facebook上載照片，話智障者宿舍已率先遷入，學員有更寬敞、先進同舒適嘅環境，仲話同佢哋一齊做園藝治療，十分開心，大家期望喺更大嘅戶外花園種植。Emily聽講大樓空間好寬敞，設有唔同主題嘅室外「綠洲」，仲有輪椅韆鞦畀坐輪椅嘅人一嘗盪韆鞦樂趣。